Ifyo nakutemwa, nangu umweo kuti nakusuninako
Kapundu, uwabusaka nge kolongo
Auba katambala nga nshifyonenako
Pali iwe, ndi nkolooko
Nshakwata bulo
Nshakwata tulo.
Nangu mbiipe nga masambi
Nyende uwainama nge citeepo
Ndi mulonge, nakutemwa nga lyambi
Nakutemwa nge pepo
Intulo ya lubuto
Ilyashila ukucila ulubuko.
Nalapa, pali maayo uwamfyele
Nsumina, nkakushitila icandaluwa
Ukalamekelamo nga nakaitebele
Umweshi nangu nauwa,
Ukala-enda mu lubuto lyonse.
Umwine musunga talamba minwe
Imfine shobe shonse shikapwa
Nangu ukutumane ngo usuminwe
Nangu utalale nga pa mfwa
Nsumina, tauli mpokeleshi
Impokeleshi busenshi.
